Jos 12 | MalMCV | STEP | ഇസ്രായേൽമക്കൾ പരാജയപ്പെടുത്തി രാജ്യം കൈവശമാക്കിയ, യോർദാനു കിഴക്ക് അർന്നോൻമലയിടുക്കുമുതൽ ഹെർമോൻപർവതംവരെ അരാബയുടെ കിഴക്കുവശമുൾപ്പെടെയുള്ള ഭൂപ്രദേശത്തെ രാജാക്കന്മാർ ഇവരാകുന്നു:

‏ Joshua 12

കീഴ്പ്പെടുത്തപ്പെട്ട രാജാക്കന്മാരുടെ പട്ടിക

1 ഇസ്രായേൽമക്കൾ പരാജയപ്പെടുത്തി രാജ്യം കൈവശമാക്കിയ, യോർദാനു കിഴക്ക് അർന്നോൻമലയിടുക്കുമുതൽ ഹെർമോൻപർവതംവരെ അരാബയുടെ കിഴക്കുവശമുൾപ്പെടെയുള്ള ഭൂപ്രദേശത്തെ രാജാക്കന്മാർ ഇവരാകുന്നു:

2 അമോര്യരാജാവായ സീഹോൻ ഹെശ്ബോനിൽ വാണിരുന്നു.
അർന്നോൻമലയിടുക്കിന്റെ അറ്റത്തുള്ള അരോയേർമുതൽ അരോയേർമലയിടുക്കിന്റെ മധ്യഭാഗവും അമ്മോന്യരുടെ അതിരായ യാബ്ബോക്കുനദിവരെയും ആയിരുന്നു അദ്ദേഹത്തിന്റെ രാജ്യാതിർത്തി. ഈ ഭൂപ്രദേശം ഗിലെയാദിന്റെ പകുതി ഉൾക്കൊള്ളുന്നതാണ്.
3 അദ്ദേഹം കിന്നെരെത്തുതടാകംമുതൽ അരാബാക്കടലായ ഉപ്പുകടൽവരെ ^{▼▼അതായത്, ചാവുകടൽ} ബേത്-യെശീമോത്തോളം ഉള്ള കിഴക്കൻഅരാബയും പിസ്ഗാചെരിവിനു താഴേ തെക്കുവശത്തുള്ള തേമാനും ഭരിച്ചിരുന്നു.
4 ബാശാൻരാജാവായ ഓഗിന്റെ ദേശം, മല്ലന്മാരിൽ ശേഷിച്ച ഒരാളായി അസ്തരോത്തിലും എദ്രെയിലും വാണിരുന്ന വ്യക്തിയായിരുന്നു അദ്ദേഹം.
5 ഹെർമോൻപർവതവും സൽക്കായും ഗെശൂര്യരുടെയും മാഖാത്യരുടെയും അതിരുവരെയുള്ള ബാശാൻപ്രദേശം മുഴുവനും, ഹെശ്ബോൻരാജാവായ സീഹോന്റെ അതിരുവരെയുള്ള ഗിലെയാദിന്റെ പകുതിയും അദ്ദേഹം ഭരിച്ചിരുന്നു.

6 യഹോവയുടെ ദാസനായ മോശയും ഇസ്രായേൽമക്കളുംകൂടി അവരെ ആക്രമിച്ചു കീഴടക്കി. രൂബേന്യർക്കും ഗാദ്യർക്കും മനശ്ശെയുടെ പകുതിഗോത്രത്തിനും അവകാശമായി യഹോവയുടെ ദാസനായ മോശ ദേശം കൊടുത്തു.

7 – 8 യോർദാന്റെ പടിഞ്ഞാറുഭാഗത്ത് ലെബാനോൻതാഴ്വരയിലെ ബാൽ-ഗാദുമുതൽ സേയീരിലേക്ക് ഉയർന്നുനിൽക്കുന്ന ഹാലാക്കുപർവതംവരെയുള്ള ഈ പ്രദേശത്തെ രാജാക്കന്മാർ ഇവരാകുന്നു: ഹിത്യർ, അമോര്യർ, കനാന്യർ, പെരിസ്യർ, ഹിവ്യർ, യെബൂസ്യർ എന്നിവരുടെ ദേശമായ മലനാട്, പടിഞ്ഞാറൻ കുന്നിൻപ്രദേശങ്ങൾ, അരാബാമലഞ്ചെരിവുകൾ, മരുഭൂമി, തെക്കേദേശം എന്നീ സ്ഥലങ്ങൾ യോശുവയും ഇസ്രായേൽസൈന്യവുംകൂടി ആക്രമിച്ചു കീഴടക്കുകയും യോശുവ ഇസ്രായേലിനു ഗോത്രവിഭാഗപ്രകാരം അവകാശമായിക്കൊടുക്കുകയും ചെയ്തു.

ആ രാജാക്കന്മാർ ഇവരാകുന്നു:

9 ^{▼▼ഈ വാക്യത്തിൽ അടങ്ങിയിരിക്കുന്ന പട്ടിക ശരിയായി ഫോർമാറ്റ് ചെയ്യുന്നതിന്, വാക്യം(കൾ) 10-Jos 12:24-ൻ്റെ ഉള്ളടക്കം അതിലേക്ക് നീക്കേണ്ടത് ആവശ്യമാണ്.}

യെരീഹോരാജാവ്	ഒന്ന്
ബേഥേലിന്നരികെയുള്ള ഹായിരാജാവ്	ഒന്ന്
⁽¹⁰⁾ജെറുശലേംരാജാവ്	ഒന്ന്
ഹെബ്രോൻരാജാവ്	ഒന്ന്
⁽¹¹⁾യർമൂത്തുരാജാവ്,	ഒന്ന്
ലാഖീശുരാജാവ്	ഒന്ന്
⁽¹²⁾എഗ്ലോൻരാജാവ്	ഒന്ന്
ഗേസെർരാജാവ്	ഒന്ന്
⁽¹³⁾ദെബീർരാജാവ്	ഒന്ന്
ഗേദെർരാജാവ്	ഒന്ന്
⁽¹⁴⁾ഹോർമാരാജാവ്	ഒന്ന്
അരാദുരാജാവ്	ഒന്ന്
⁽¹⁵⁾ലിബ്നാരാജാവ്	ഒന്ന്
അദുല്ലാംരാജാവ്	ഒന്ന്
⁽¹⁶⁾മക്കേദാരാജാവ്	ഒന്ന്
ബേഥേൽരാജാവ്	ഒന്ന്
⁽¹⁷⁾തപ്പൂഹരാജാവ്	ഒന്ന്
ഹേഫെർരാജാവ്	ഒന്ന്
⁽¹⁸⁾അഫേക്കുരാജാവ്	ഒന്ന്
ശാരോൻരാജാവ്	ഒന്ന്
⁽¹⁹⁾മാദോൻരാജാവ്	ഒന്ന്
ഹാസോർരാജാവ്	ഒന്ന്
⁽²⁰⁾ശിമ്രോൻ-മെരോൻരാജാവ്	ഒന്ന്
അക്ശാഫുരാജാവ്	ഒന്ന്
⁽²¹⁾താനാക്കുരാജാവ്	ഒന്ന്
മെഗിദ്ദോരാജാവ്	ഒന്ന്
⁽²²⁾കേദേശുരാജാവ്	ഒന്ന്
കർമേലിലെ യൊക്നെയാംരാജാവ്	ഒന്ന്
⁽²³⁾ദോർമേടിലെ നാഫത്ത്-ദോർരാജാവ്	ഒന്ന്
ഗിൽഗാലിലെ ഗോയീംരാജാവ്	ഒന്ന്
⁽²⁴⁾തിർസാരാജാവ്	ഒന്ന്.
	ഇങ്ങനെ ആകെ മുപ്പത്തൊന്ന് രാജാക്കന്മാർ.

10 – 11 – 12 – 13 – 14 – 15 – 16 – 17 – 18 – 19 – 20 – 21 – 22 – 23 – 24 –